29/01/2015

A pesca submarina, un deporte diferente

Daniel Vidal / 1º ESO A
------------------------------
A pesca submarina é o meu deporte favorito. Consiste en capturar peixes somerxéndote baixo da auga sen axuda de bombonas de aire. Practicalo non é tan doado como parece xa que os peixes con calquera mínimo son ou ruído, espántanse e foxen.
Para fecernos máis fácil o labor utilízase un fusil ou arpón de gomas ou aire comprimido. O mecanismo é moi simple: as gomas estíranse ata a barra afiada e unha peza interna impide que saia disparada. Ao mover cara a atrás o gatillo, a peza móvese e deixa saír a barra. Tamén levamos posto un traxe de neopreno xa que o mar está moi frío, lentes de mergullo, tubo de silicona para poder respirar mirando abaixo e non ter que sacar a cabeza, un puñal no nocello para cortar as redes ou cordas nas que poidamos quedar enleados, unha boia para sinalizar a nosa posición no mar e protexerse dos barcos e motoras, percha, que é un fío cunha punta nun estremo para gardar o peixe, e unha rede para gardar os peixes de pel moi dura e os crustáceos.
Hai xente que se adica a isto profesionalmente, como Pedro Carbonell, que gañou varias veces o campionato do mundo. É capaz de baixar 40 metros ou máis e entre as súas mellores capturas están os atúns, congros e peixes espada.
Este deporte apaixóname xa de ben pequeniño. Chamoume a atención porque eu ía todos os días ao mar a bañarme e esperaba polo meu curmán, que ía facer mergullo,e cando volvía rogáballe que me deixara acompañalo. A miña primeira inmersión foi con el da man.

Propósitos para o novo ano

Sergio Coello / 1º ESO B
-------------------------------
Estas festas de Nadal transcorreron bastante ben e pasei moito tempo cos meus familiares.
O cambio de ano nótase por exemplo nos anuncios da televisión porque os produtos que se anuncian non son os mesmos: no Nadal os anuncios eran de xoguetes, perfumes, rebaixas, comida típica desas datas... e agora están enfocados aos propósitos que as persoas teñen para o ano novo. A xente pretende adelgazar, deixar de fumar, cambiar de seguro, etc.
Neste ano novo eu pretendo estudar máis no colexio, axudar máis na casa e comportarme o mellor posible cos meus compañeiros, familiares e amigos. Tamén quero deixar de "fuchicar" tanto no móbil, centrarme nos estudos e así mellorar neste 2015.

11/01/2015

O universo nas nosas mans

Mihaela  Nechifor/ 1º ESO B
-----------------------------------
O día que dixo a profe de Ciencias que podiamos construír unha maqueta do Sistema Solar eu apunteime a facela. Axudoume Paola, unha compañeira de 1º A que xa fixera o seu traballo.
Vouvos dicir o material que precisei eu para facer o traballo: un cartón e unha cartolina grande negra, para o fondo; unha bóla de poliespán grande para o sol; cola e papel de periódico reciclado para os planetas; tesoiras e acuarelas.
Primeiro cortei o cartón e preparei a cartolina negra para pegala no cartón. Despois fixen os planetas e as órbitas.
O que me resultou máis difícil foi facer os planetas e o máis divertido foi cando Paola e mais eu nos pringamos as mans de cola e quedáronnos pegadas.
Aprendín moitas cousas porque tiven que buscar información sobre todos os planetas para saber o seu tamaño e a súa cor.
Con todos os traballos que fixemos montamos unha exposición nun corredor do colexio.