21/05/2012

Triunfos, aprendizaxe e diversión na Semana das Matemáticas

Obradoiro de Matemáticas en Vigo

Irene Benito e Javier Fernández / 1º ESO B
-------------------------------------------------
O 3 de maio os alumnos de 1º da ESO asistimos cos profes do Departamento de Matemáticas a un obradoiro que houbo no teatro Caixanova, en Vigo. Os monitores fixeron equipos de seis persoas e cada dez minutos, os grupos tiñan que cambiar de estación xa que había varias mesas con actividades diferentes. Había xogos do cubo Soma e hexamantes cos que se crean figuras con pezas formadas por triángulos equiláteros. Tamén resolvemos problemas de matemáticas, fixemos figuras de papel, montamos figuras coas fichas dos distintos tangram, resolvemos xogos de lóxica e outros xogos que daban un resultado máxico utilizando a calculadora.
Pasámolo moi ben facendo cousas divertidas e interesantes.

Ligamats 

Andrea Pais, David Dacasa e Sandra Rodríguez / 1º ESO B
----------------------------------------------------------
Esa semana algúns alumnos do CPI Covaterreña de diferentes cursos de Educación Primaria e Secundaria participaron no Ligamats, un concurso no que os rapaces realizan retos matemáticos como por exemplo varios tipos de tangram, pentacubos e operacións matemáticas.
A súa participación foi todo un éxito e tanto os alumnos de Primaria coma os de Secundaria clasificáronse para a final.
O grupo de 1º ciclo da ESO estivo formado por José Luis Vilar, Laura Ruíz, Manuel Fernández (os tres de 1º ESO B) e Laura González (de 2º ESO B) e quedaron en cuarto lugar. O equipo de 2º ciclo da ESO acabou en segundo lugar e os de 6º de Primaria foron terceiros.
Outro equipo formado por Noelia Cedeira, Ismael Cabral, Jorge González e María Cedeira, todos de 1º ESO A, quedou ás portas da vitoria acadando un meritorio quinto posto na clasificación xeral.
Parabéns a todos os participantes!
Estamos moi orgullosos dos Einstein que temos no Covaterreña.

Maxia coas matemáticas

José Luis Vilar, Rubén Álvarez e Manuel Fernández / 1º ESO B
-----------------------------------------------------------------
Este é un xogo de matemáticas moi entretido, consiste no seguinte:

1.- Pensa un número do 1 ao 10. 
2.- Multiplícao por nove.
3.- Se che deu un número de dous díxitos, súmaos entre si. Por exemplo: 13, sumamos 1+3= 4
4.- Réstalle 5.
5.- Cambia ese número pola letra do abecedario que lle corresponda. Por exemplo: 1 = A, 2 = B, 3 = C, 4 = D...
6.- Pensa o nome dun país que comece por esa letra.
7.- Agora pensa o nome dun animal que empece pola segunda letra dese país.

Verdade que non hai ningunha iguana en Dinamarca?

4 comentários:

  1. No pero si hay jirafas en Djibouti.

    Noelia Cedeira 1ºA

    ResponderEliminar
  2. Rubén Álvarez Leyenda 1ºB01/06/12, 15:17

    A primeira vez que me fixeron esa adiviña quedei abrallado xa que as adiviñas son interesantisimas.

    ResponderEliminar
  3. jose luis vilar gallego 1b nº2103/06/12, 22:52

    A excursión o obradoiro estivo xenial, xogamos coas matemáticas, ata os que as detestan o pasaron ben, o ligamats estivo verdadeiramente interesante e foi na gala onde nos dixeron a adiviña, o dixo o mago keko.

    ResponderEliminar
  4. Andrea Pais 1ºB18/06/12, 13:41

    A verdade e que ao final da adiviña quedas estupefacto e a min gustoume moito.E no obradoiro de matematicas pasamolo moi ben.

    ResponderEliminar